پڕۆژەیاسایەکی ئەمریکا: کڕینی یاری دەبێت خاوەندارێتی بێت، نەک مۆڵەت

بەپێی Tom's Hardware، Ritchie Torres، نوێنەری New York لە کۆنگرێسی ئەمریکا، پڕۆژەیاسای «Power To The Players Act» ی پێشکەش کرد. پڕۆژەکە داوا لە FTC دەکات ڕێسا بۆ خاوەندارێتیی یاری دابنێت، تا کڕینی یارییەک خاوەندارێتیی کۆپییەکە بداتە کڕیار، نەک تەنیا مۆڵەتی بەکارهێنان.

بەپێی پڕۆژەکە، ئەو یاریانەی پشت بە ئینتەرنێت دەبەستن دەبێت پێش ئەوەی سێرڤەرەکانیان دابخرێن، دۆخی بێ ئینتەرنێت (offline mode) بخەنە ناو یارییەکەوە. وردەکاریی تەواوی پڕۆژەکە هێشتا بڵاو نەکراوەتەوە.

لە Pennsylvania یش سیناتۆرێکی ویلایەتەکە پڕۆژەیەکی هاوشێوەی پێشکەش کردووە، کە داوا دەکات بڵاوکەرەوەکان دۆخی بێ ئینتەرنێت یان سێرڤەری کۆمەڵگا دابین بکەن، یاخود لانیکەم 25% ی پارەکە بگەڕێننەوە.

نموونەیەکی بەناوبانگ یاریی The Crew ی Ubisoft بوو، کە ساڵی 2024 سێرڤەرەکانی داخران و تەنانەت بۆ ئەوانەی تازە کڕیبوویان کار نەما. ئەمە بزووتنەوەی «Stop Killing Games» ی دروست کرد. Torres ناوی NBA 2K25 یشی هێنا، کە دوو ساڵ دوای دەرچوونی، سێرڤەرەکانی دادەخرێن و لە فرۆشگا دیجیتاڵییەکان لادەبرێت.

یاریزانان زۆرجار گلەیی لە DRM دەکەن، کە هەندێک جار یارییەکان هێواش دەکات. Sony یش لە دادگایەکدا گوتوویەتی کڕیار کاتێک دوگمەی کڕین دادەگرێت، نابێت چاوەڕێی مافێکی هەمیشەیی بکات.